- Lyrics
- Album list
- Singer Intro
劉福助
-
一樣米養百樣人
世間算來歸億十億人 五花十色攏嘛無相同 來講性情品行這幾層 甘那一樣米飼百樣人 有好人有歹人 有巧人有憨人 巧人巧巧達項攏也曉 有時巧甲下倒翹翹 規身人爬起來跳 憨人直嘟直 講話實嘟實 做代誌一環一 對人無秘密 人打袂走 狗咬袂號 歡喜也時存是擱也車笨倒 惡人惡惡 惡甲給雞啄 歪哥刺娶心肝黑落落 三八人半年一千日 先講講袂直 生利人真可貴算盤揹地嘴 目周吊秤鎚 有賺歡喜大心悸 了錢七孔攝做堆 囝仔人番比霸 槍鼻糊蚊答 查某人愛人褒 講話真囉唆 竹哥倒菜刀 來講印度非洲的黑人 人高漢草大 親像青仔叢 嘴齒哥白白 頭毛哥qq 皮膚黑ㄌ奢 沒輸每日攏吃彼落火炭元 美國人鼻痘痘 目周濁濁 下頦扣扣 牛排告胖配牛奶 講話ABC 開嘴狗咬豬 嘻嘻嘻 若哥唸落去落落長燙嘟天 咱人無論黑白也黃色 做事總愛有原則 你看做雞對愛慶 做人對愛並 少年那是沒曉想 吃老嘎對不吃樣 有人討吃不討賺 厝內甘願放爹散 有人傢伙萬貫一堆甘拉山 甘願勤儉每日勞苦做牛拖 來興顧嘴無顧身 麻有人規身軀金熾熾 納袋磅壁定定空殼 麻有破病面青青 身穿綾羅甲紡絲 有人歹猴愛假賢 猴穿衣麻是猴 麻有彼落瘋豬假大派 見對查某對袂愛 三當吃飯配菜莆 甘願儉錢雨查某 勸你不通尚過妄 你嗎不通尚過放 勸你不通尚過鹼 你嗎不通尚過儉 若是好事來罔做 時機那到對有報 腳踏實地無差錯 精神安慰有所靠 人講一樣米擱飼百樣人
------------------------------------------
617/《一樣米飼百樣人》Tsi̍t-iūnn Bí Tshī Pah-iūnn Lâng 劉福助Lâu Hok-tsōo
世間算來幾若十億人 sè-kan sǹg lâi kuí-lō tsa̍p-ik lâng 五花十色攏嘛無相仝 ngóo-hue tsa̍p-sik lóng mā bô sio-kâng 來講性情品行這幾層 lâi kóng sìng-tsîng phín-hīng tsit kuí tsân 干焦一樣米飼百樣人 kan-tann tsi̍t-iūnn bí tshī pah-iūnn lâng
有好人有歹人 ū hó-lâng ū pháinn-lâng 有巧人有戇人 ū khiáu-lâng ū gōng-lâng 巧人巧巧 khiáu-lâng khiáu-khiáu 逐項攏會曉 ta̍k hāng lóng ē-hiáu 有時巧甲下斗翹翹 ū-sî khiáu kah ē-tàu khiàu-khiàu 規身人起來跳 kui-sin-lâng peh khí-lâi thiàu
戇人直拄直 gōng-lâng ti̍t-tú-ti̍t 講話實拄實 kóng-uē si̍t-tú-si̍t 做代誌一還一 tsuè tāi-tsì tsi̍t-huân tsi̍t 對人無祕密 tuì lâng bô pì-bi̍t 人拍袂走 lâng phah bē tsáu 狗咬袂吼 káu kā bē háu 歡喜的時陣 huann-hí ê sî-tsūn 是閣會捙畚斗 sī koh ē tshia-pùn-táu
惡人惡惡 ok-lâng ok-ok 惡甲予雞啄 ok kah hōo ke tok 歪膏揤斜心肝烏漉漉 uai-ko-tshi̍h-tshua̍h sim-kuann oo-lo̍k-lo̍k 三八人半年一千日 sam-pat-lâng puànn-nî tsi̍t-tshing ji̍t 仙講講袂直 sian kóng kóng buē-ti̍t
生理人真可貴 sing-lí-lâng tsin khó-kuì 算盤揹佇喙 sǹg-puânn phāinn tī tshuì 目睭吊秤錘 ba̍k-tsiu tiàu tshìn-thuî 有趁歡喜大心氣 ū-thàn huann-hí tuā-sim-khuì 了錢七孔攝做堆 liáu-tsînn tshit-khóng liap tsuè-tui
囡仔人番閉霸 gín-á-lâng huan-pì-pà 擤鼻糊蠓罩 tshìng-phīnn kôo báng-tà 查某人愛人褒 tsa-bóo-lâng ài lâng po 講話真囉嗦 kóng-uē tsin lo-so Find more lyrics at ※ Mojim.com 竹篙鬥菜刀 tik-ko tàu tshài-to
來講印度非洲的烏人 lâi kóng Ìn-tōo Hui-tsiu ê oo-lâng 人懸漢草大 lâng kuân hàn-tsháu tuā 親像菁仔欉 tshin-tshiūnn tshinn-á-tsâng 喙齒閣白白 tshuì-khí koh pe̍h-pe̍h 頭鬃閣虯虯 thâu-tsang koh khiû-khiû 皮膚烏爐酥 phuê-hu oo-lôo-soo 袂輸每日攏食彼號火炭箍 buē-su muí-ji̍t lóng tsia̍h hit-lō hué-thuànn khoo
美國人鼻啄啄 bí-kok-lâng phīnn tok-tok 目睭濁濁 ba̍k-tsiu lô-lô 下頦擴擴 ē-hâi khok-khok 牛排𩛩麭配牛奶 gû-pâi kauh pháng phuè gû-ni 講話ABC kóng-uē e bi si 開喙狗咬豬 khui-tshuì káu kā ti 嘻嘻嘻 hi hi hi 若閣唸落去 nā koh liām--lo̍h-khí 躼躼長透拄天 lò-lò tn̂g thàu tú thinn
咱人無論烏白抑黃色 lán-lâng bô-lūn oo pe̍h ia̍h n̂g-sik 做事總愛有原則 tsò-sū tsóng ài ū guân-tsik 你看做雞著愛筅 lí khuànn tsò ke tio̍h-ài tshíng 做人著愛反 tsò lâng tio̍h-ài píng 少年若是袂曉想 siàu-liân nā-sī buē-hiáu siūnn 食老敢著毋成樣 tsia̍h-lāu kánn tio̍h m̄-tsiânn-iūnn 有人貧惰毋討趁 ū-lâng pîn-tuānn m̄ thó-thàn 厝內甘願放家散 tshù-lāi kam-guān pàng ke sàn 有人家伙萬貫一堆敢若山 ū-lâng ke-hué bān-kuàn tsi̍t-tui kán-ná suann 甘願勤儉每日勞苦做牛拖 kam-guān khûn-khiām muí-ji̍t lô-khôo tsò gû thua
來興顧喙無顧身 Lâi-hin kòo tshuì bô kòo sin 嘛有人規身金簇簇 mā ū-lâng kui-sin kim-tshak-tshak 橐袋仔碰壁定定空殼 lak-tē-á pōng-piah tiānn-tiānn khang-khak 嘛有破病是面青青 mā ū phuà-pīnn sī bīn tshinn-tshinn 身穿綾羅佮紡絲 sin tshīng lîng-lô kah pháng-si 有的䆀猴愛假𠢕 ū-ê bái-kâu ài ké-gâu 猴穿衫嘛是猴 kâu tshīng sann mā sī kâu 嘛有彼號痟豬哥假大派 mā ū hit-lō siáu-ti-ko ké tuā-phài 見著查某就欲愛 kìnn tio̍h tsa-bóo tiō beh ài 三頓食飯配菜脯 sann-tǹg tsia̍h-pn̄g phuè tshài-póo 甘願儉錢予查某 kam-guān khiām-tsînn hōo tsa-bóo
勸恁毋通傷過懵 khǹg lín m̄-thang siunn-kuè bòng 你嘛毋通傷過放 lí mā m̄-thang siunn-kuè hòng 勸恁毋通傷過鹹 khǹg lín m̄-thang siunn-kuè kiâm 你嘛毋通傷過儉 lí mā m̄-thang siunn-kuè khiām 若是好事來罔做 nā-sī hó-sū lâi bóng tsò 時機若到就有報 sî-ki nā kàu tiō ū pò 跤踏實地無差錯 kha ta̍h si̍t-tē bô tsha-tshò 精神安慰有所靠 tsing-sîn an-uì ū sóo khò
人講一樣米 lâng kóng tsi̍t-iūnn bí 閣飼百樣人 koh tshī pah-iūnn lâng
- Special thanks to W.B. Chen for correcting the lyric.
- Related Links: W.B. Chen
|