- Album Intro
- Lyrics
- Album list
- Singer Intro
廖博儀
-
三个象桮
Lyricist:沈懷一 Composer:廖博儀
半瞑公園邊的大廟埕 暗光鳥跋筊咧拚輸贏 講古的興啼組繼續炸 煙腸伯滷菜擔有幾若攤
最近人生操煩一件閣一件 未來運途茫茫渺渺心茫茫 聽人講這間廟寺足靈聖 趕緊來問事業婚姻感情線
三个象桮真幸福 危機重重難關有解途 拄著小人桃花嘛莫激動 勤做善事一定有好結局
向望序大健康快樂無煩惱 保庇囡仔讀冊敖操煩 小妹誠心獻花再獻果 懇求天地眾神來引導
土地公婆恩愛鴛鴦伴 觀世音共眾生疼入心肝 媽祖護臺灣惜命命 求神共亂世的人心扶予正
帝君五府千歲李哪吒 耶穌基督阿彌陀佛啊閣有阿拉 善男信女祈禱再三感謝 有拜有保庇蒼天予阮心頭定
三个象桮叫做福 跋桮希望臺灣日日好 股市房市請莫閣落 全民攏有工課歡歡喜喜做 希望厝邊頭尾來互相看顧 恩恩怨怨放下盡量佯糊塗 誠心獻上一盤感恩的仙桃 拜謝神明守護人間的辛苦
三个象桮阮心頭定 提出勇氣袂閣驚惶 若是無認真骨力來討生活 金紙較燒你嘛袂好額
三个象桮是天註定 但是七分嘛就靠拍拚 暫時的鬱卒失志咱毋免驚 神明疼惜伴臺灣向前行
三个象桮阮心頭定 提出勇氣袂閣驚惶 若是無認真骨力來討生活 金紙較燒你嘛袂好額
三个象桮是天註定 但是七分嘛就靠拍拚 暫時的鬱卒失志咱毋免驚 神明疼惜伴臺灣向前行
臺灣是我們的家
------------------------------------------
7097/《三个象桮》Sann-ê Sīn-pue 廖博儀Liāu Phok-gî
半暝公園邊的大廟埕 puànn-mî kong-hn̂g pinn tuā-biō tiânn 暗光鳥跋筊 àm-kong-tsiáu pua̍h-kiáu 咧拚輸贏 leh piànn-su-iânn 講古的興喋組 kóng-kóo ê hìng-thi̍h-tsoo 繼續炸 kè-sio̍k tsuànn 煙腸伯 ian-tshiâng-peh 滷菜擔 lóo-tshài-tann 有幾若攤 ū kuí-ā thuann
最近人生操煩 tsuè-kīn jîn-sing tshau-huân 一件閣一件 tsi̍t-kiānn koh tsi̍t-kiānn 未來運途 bī-lâi ūn-tôo 茫茫渺渺心茫茫 bông-bông-biáu-biáu sim bâng-bâng 聽人講 thiann lâng kóng 這間廟寺足靈聖 tsit king biō-sī tsiok lîng-siànn 趕緊來問事業 kuánn-kín lâi mn̄g sū-gia̍p 婚姻感情線 hun-in kám-tsîng-suànn
三个象桮 sann-ê sīn-pue 真幸福 tsin hīng-hok 危機重重難關 guî-ki tiông-tiông lân-kuan 有解途 ū kái-tôo 拄著小人桃花 tú-tio̍h siáu-jîn thô-hue 嘛莫激動 mā mài kik-tōng 勤做善事 khîn tsò siān-sū 一定有好結局 it-tīng ū hó kiat-kio̍k 願望序大 guān-bāng sī-tuā 健康無煩惱 kiān-khong bô huân-ló 保庇囡仔讀冊 pó-pì gín-á tha̍k-tsheh 𠢕進步 gâu tsìn-pōo 小妹誠心 sió-muē sîng-sim 獻花再獻果 hiàn-hue tsài hiàn-kó 懇求天地眾神 khún-kiû thinn-tē tsiòng-sîn 來引導 lâi ín-tō
土地公婆 Find more lyrics at ※ Mojim.com Thóo-tī-kong-pô 恩愛鴛鴦伴 un-ài uan-iunn-phuānn 觀世音共眾生 Kuan-sè-im kā tsiòng-sing 疼入心肝 thiànn ji̍p sim-kuann 媽祖護臺灣 Má-tsóo hōo Tâi-uân 惜命命 sioh-miā-miā 求神 kiû sîn 共亂世的人心 kā luān-sè ê jîn-sim 扶予正 hû hōo tsiànn
帝君五府千歲 Tè-kun Ngóo-hú-tshian-suè 李哪吒 Lí-lô-tshia 耶穌基督 Iâ-soo Ki-tok 阿彌陀佛 Oo-mí-tôo-hu̍t 猶閣有阿拉 iáu-koh ū a-la 善男信女祈禱 siān-lâm-sìn-lú kî-tó 再三感謝 tsài-sam kám-siā 有拜有保庇 ū pài ū pó-pì 蒼天予阮心頭定 tshong-thian hōo gún sim-thâu tiānn
三个象桮 sann-ê sīn-pue 叫做福 kiò-tsuè hok 跋桮希望 pua̍h-pue hi-bāng 臺灣日日好 Tâi-uân ji̍t-ji̍t hó 股市房市 kóo-tshī pâng-tshī 請莫閣落 tshiánn mài koh lo̍h 全民攏有工課 tsuân-bîn lóng ū khang-khuè 歡歡喜喜做 huann-huann-hí-hí tsò 希望厝邊頭尾 hi-bāng tshù-pinn-thâu-bué 來互相看顧 lâi hōo-siong khuànn-kòo 恩恩怨怨放下 un-un-uàn-uàn hòng-hā 盡量佯糊塗 tsīn-liōng tènn hôo-tôo 誠心獻上一盤 sîng-sim hiàn-siōng tsi̍t-puânn 感恩的仙桃 kám-un ê sian-thô 拜謝神明 pài-siā sîn-bîng 守護人間的辛苦 siú-hōo jîn-kan ê sin-khóo
三个象桮 sann-ê sīn-pue 阮心頭定 gún sim-thâu tiānn 提出勇氣 the̍h tshut ióng-khì 袂閣驚惶 bē koh kiann-hiânn 若是無認真骨力 nā-sī bô jīn-tsin kut-la̍t 來討生活 lâi thó sing-ua̍h 金紙較燒 kim-tsuá khah sio 你嘛袂好額 lí mā bē hó-gia̍h
三个象桮 sann-ê sīn-pue 是天註定 sī thinn tsù-tiānn 但是七分 tān-sī tshit-hun 嘛著靠拍拚 mā tio̍h khò phah-piànn 暫時的鬱卒失志 tsiām-sî ê ut-tsut sit-tsì 咱毋免驚 lán m̄-bián kiann 神明疼惜 sîn-bîng thiànn-sioh 伴臺灣向前行 phuānn Tâi-uân hiòng-tsiân kiânn
三个象桮 sann-ê sīn-pue 阮心頭定 gún sim-thâu tiānn 提出勇氣 the̍h tshut ióng-khì 袂閣驚惶 bē koh kiann-hiânn 若是無認真骨力 nā-sī bô jīn-tsin kut-la̍t 來討生活 lâi thó sing-ua̍h 金紙較燒 kim-tsuá khah sio 你嘛袂好額 lí mā bē hó-gia̍h
三个象桮 sann-ê sīn-pue 是天註定 sī thinn tsù-tiānn 但是七分 tān-sī tshit-hun 嘛著靠拍拚 mā tio̍h khò phah-piànn 暫時的鬱卒失志 tsiām-sî ê ut-tsut sit-tsì 咱毋免驚 lán m̄-bián kiann 神明疼惜 sîn-bîng thiànn-sioh 伴臺灣向前行 phuānn Tâi-uân hiòng-tsiân kiânn
臺灣是咱的家 Táiuān shì wǒmen de jiā
- Special thanks to W.B. Chen for correcting the lyric.
- Related Links: W.B. Chen
|