- Album Intro
- Lyrics
- Album list
- Singer Intro
杜忻恬
-
多情城市
民視八點檔 多情城市 片頭曲
Lyricist:曹雅雯 Composer:邱逸安 Arranger:Holy Band(蔡科俊,劉懷仁,& 陳劭桁)
一個肩胛 會當擔起外多美夢 一份理想 需要外多勇敢 這個城市攏同款 為著未來塊討趁 敢有聽過 自己的心內話
社會青紅 像染過的頭鬃 人海茫茫 咱的心敢擱猶原 鬥陣打拼的夢 歡喜艱苦做夥擔 用心付出 不驚一切困難
我等…待 等待希望的花當紅 行過無情風雨日出日落 愛堅持咱的腳步 我等…待 等待希望的花當紅 行過悲歡離合人情冷暖 越頭看咱無留下遺憾 (越頭看咱無留下遺憾)
我不驚命運創治人 我不驚路有外歹行 只要咱相信咱的夢 受過的傷天公會來疼痛
------------------------------------------
《多情城市》To-tsîng Siânn-tshī 杜忻恬Tōo Him-thiâm Holy Band
一个肩胛 tsi̍t-ê king-kah 會當擔起偌濟美夢 ē-tàng tann khí guā-tsuē bí-bāng 一份理想 tsi̍t-hūn lí-sióng 需要偌濟勇敢 su-iàu guā-tsuē ióng-kám 這个城市攏仝款 tsit ê siânn-tshī lóng kāng-khuán 為著未來咧討趁 uī-tio̍h bī-lâi teh thó-thàn 敢有聽過 kám ū thiann-kuè 家己的心內話 ka-kī ê sim-lāi-uē
社會青紅 siā-huē tshinn-âng 像染過的頭鬃 tshiūnn ní--kuè ê thâu-tsang 人海茫茫 jîn-hái bâng-bâng 咱的心敢閣猶原 lán ê sim kám koh iu-guân 鬥陣拍拚的夢 tàu-tīn phah-piànn ê bāng 歡喜艱苦做伙擔 huann-hí kan-khóo tsò-hué tann 用心付出 iōng-sim hù-tshut 毋驚一切困難 m̄-kiann it-tshè khùn-lân
我等待 Find more lyrics at ※ Mojim.com guá tán-thāi 等待希望的花當紅 tán-thāi hi-bāng ê hue tng âng 行過無情風雨 kiânn kuè bô-tsîng hong-hōo 日出日落 ji̍t-tshut ji̍t-lo̍h 愛堅持咱的跤步 ài kian-tshî lán ê kha-pōo
我等待 guá tán-thāi 等待希望的花當紅 tán-thāi hi-bāng ê hue tng âng 行過悲歡離合 kiânn kuè pi-huan lî-ha̍p 人情冷暖 jîn-tsîng líng-luán 越頭看 ua̍t-thâu khuànn 咱無留下遺憾 lán bô lâu-hā uî-hām ---
我毋驚 guá m̄-kiann 命運創治人 miā-ūn tshòng-tī lâng 我毋驚 guá m̄-kiann 路有偌歹行 lōo ū guā pháinn-kiânn 只要咱相信咱的夢 tsí-iàu lán siong-sìn lán ê bāng 受過的傷 siū kuè ê siong 天公會來疼痛 thinn-kong ē lâi thiànn-thàng
我等待 guá tán-thāi 等待希望的花當紅 tán-thāi hi-bāng ê hue tng âng 行過無情風雨 kiânn kuè bô-tsîng hong-hōo 日出日落 ji̍t-tshut ji̍t-lo̍h 愛堅持咱的跤步 ài kian-tshî lán ê kha-pōo
我等待 guá tán-thāi 等待希望的花當紅 tán-thāi hi-bāng ê hue tng âng 行過悲歡離合 kiânn kuè pi-huan lî-ha̍p 人情冷暖 jîn-tsîng líng-luán 越頭看 ua̍t-thâu khuànn 咱無留下遺憾 lán bô lâu-hā uî-hām
越頭看 ua̍t-thâu khuànn 咱無留下遺憾 lán bô lâu-hā uî-hām
- Special thanks to KT W.B. Chen for correcting the lyric.
- Related Links: W.B. Chen
|